XABIER DÍAZ & ADUFEIRAS DE SALITRE
ILLAS DE SAL
Illas de sal, vento do sul
namorastes do seu bailar
namoraron as estrelas
namorou tamén o mar..
Pola maré meu ben querer
pola mare te vexo andare
pola mare te vexo vir
tamén te vexo bailare
Estreliña mariñeira
estreliña mariñeira
dalle luz ao seu bailar,
aluméama na beira.
Bota puntos ao salitre
pequena do meu querer
bota puntos ao salitre
antes que a marea medre.
A nena dos ollos do mar
deitaba o sol no seu bailar
con puntos de namorar.
Marchou o día, sol ó mar
Chegou a lúa sen falar,
ela tamén quer bailar.
A consagración de Xabier Díaz, despois dun disco en solitario, Nova Galega de Danza e Berrogüetto, chegou en 2015 co proxecto Xabier Díaz & Adufeiras de Salitre. Trátase dunha nova reinvención coa que alcanza un gran éxito internacional, cun enorme recoñecemento de crítica, público e recibindo un bo número de premios. Esta proposta conta con tres traballos: The Tambourine Man (2015), Noró (2018) e As Catedrais Silenciadas (2020), triloxía personalísima As Adufeiras de Salitre, que acompañan a Xabier, son un grupo de mulleres vocalistas e percusionistas.